menuj Lirik Lagu Meupeukeuh Dali | Imum Jhon - Pena Teungku //
Skip to content Skip to sidebar Skip to footer

Lirik Lagu Meupeukeuh Dali | Imum Jhon


Ka Grak Tekeudi Ka Nibak Allah

Aceh Meutuwah Tanoh Lon Cinta

Bak Saboh Beungoh Uroe Ban Beukah

U Aceh Teuhah Dum Mata Donya


Meu Ribee Ureung Neuwoe Bak Allah 

Poe Neu Iradah.. Ie Raya Gempa Ie Raya Gempa 


Allah Neu Guncang Seuramoe Meukah 

Rumoh Nyang Megah Ngeun Bumo Rata

Ureung Moe Ba 'eu Lam Ie Meulimpah

Kehendak Bak Allah Han Ek Soe Sangka


Meupuekeuh Dali Neubri Le Allah

Cuba Ta Peuhah Hate Ngon Mata


Pue Keuh Dhalem That di Dalam Nanggro

Hingga Neu Pugoe Lagee Nyoe Rupa

Tan Lee Sembahyang Geutanyoe Laloe

Piasan Nanggro Keu Ayeum Mata 


Pue Ka Leu Harta Rumoh Meugeudong

Hingga Keu Rabbon Syuko Han Lee Na

Pue Aneuk Zina Rata Jeut Duson

Ureung Teu Lhon-Lhon Male Han Le Na


Allah Neu Guncang Seuramoe Meukah

Rumoh Nyang Megah Ngeun Bumo Rata

Ureung Moe Ba 'eu Lam Ie Meulimpah

Kehendak Bak Allah Han Ek Soe Sangka


Meupuekeuh Dali Neubri Le Allah

Cuba Ta Peuhah Hate Ngon Mata


Han Soe Peurame Le Rumoh Allah

Beut Di Meunasah Kaset Meumada

Aneuk Miet Cut - Cut Tan Le Bak Dayah

Ka Sajan Ayah Jak Nonton Gamba


Pu Ka Keu Donya Guna Ta Hudep

Han Meunyum Saket Dumno Ka Bala

Dum Hukom Allah Ka Ta Peulikot

Hukom Droe Peugeut Nyan Ta Utama


Keu Biet Ta Ingat Keu Biet Tapike

Kiamat Lahe Ka Dikeu Mata

Bagah Geutanyoe Taubat Bak Allah

Sihohlom Reubah Dum Panyot Donya


Keu Biet Ta Ingat Keu Biet Tapike

Kiamat Lahee Neu Gulong Donya

Post a Comment for "Lirik Lagu Meupeukeuh Dali | Imum Jhon "