Lirik Lagu Ilmee | Husni Al Muna | Qasidah Aceh
Keupeue dak tamoe lam rateb
Suboh mugreb bak mushalla
Tapi ilmee teuh hana sep
Cukop saket sia-sia
Bateue ngeun sah hana meukri
Meusuci han meuoh cara
Lheuh ibadah ka lam jahe
Fahla reule meufhom hana
REFF..
Tamse ta rhah on keladi
Dak habeh ie bulut hana
Neu ibadah tan ileumee
Sayang wate hase hana
Ilmee Agama hai rakan
Keun pilihan ban sikula
Tapi wajeb bandum ureung
Lage neukheun le saidina
Nyoe keuh punca hudep sosah
Masalah lam rumoh tangga
Aneuk hanjeut ta peuruno
Binoe hanjeut tanyoe jaga
Tuto seureng dalam salah
Kayem langkah bak buet hina
Keu pemimpin hana ade
Taseumike beutoy hana
Ta hudep trep tan jaminan
Ajai keun bak jaro hamba
Ilmee beu ta tuntut rijang
Kesempatan han meugisa
Pue lom donya ta eu dali
Katroh bak janji rabbana
Ilme neu cabot lam alam
Ngeun neucok pulang 'ulama
Post a Comment for "Lirik Lagu Ilmee | Husni Al Muna | Qasidah Aceh "