Meutajoe Tajoe | Lirik Lagu Salsabil Aceh
Kheun awak jawa nyan jaran goyang
Dikota padang na minang kabo
Di ayu ting ting pih saboh macam
Lagu jih karang nyan samba lado
Inul Daratista di ngebor goyang
Bang haji geutham teutap dihambo
Evi Tamala rembulan malam
Ipank nyanyikan urang meranto
Awak india terkenal goyang
Contoh Syahrukhan dikheun tum hi ho
Di ureung Aceh geu meuen saman
Geukheun le rijang silahit laho
Amerika ahli bak perang
Contoh hai rakan nyan pilem rambo
Meusei di cina careung hana ban
Lam bideung dagang tanyoe ka taloe
Menyoe di Turki na pak Erdogan
Geupeutheun Islam han geu peukeundo
Bah pih donal trump di peugah garang
Asai meuteuntang laju geuhambo
Menyoe Peurancis careung meuen bhan
Contoh bang zidan jareung that talo
Meunyoe Portugal na sidroe bintang
Nama jih hai bang mister Ronaldo
Nyoe keuh lagu yang teungku banta karang
Nyoe judul hai bang meutajoe-tajoe
Cuma di ulon terimong pesan
Peu meu'ah rijang meunyoe meulaboe
Di haji Uma geu meuen parang
Ngeun andok sikhan geulhat bak baho
Di gobnyan sukses jinoe bak dewan
Poto terpampang rata baliho
Abu Syik Gasien di negri sebrang
Peuleumah garang nibak vidio
Abeh ulama dum dijak tentang
Nyo berhadapan cit katan beuheu
Di Abu laot ceubeuh hana ban
Ata lam pinggang sabe lam tuto
Memang han salah ka geulakab nan
Ka lage pawang di ateuh jalo
Menyoe keu baje dengeun pakaian
Jak bak cut kinan leu barang baro
Masalah harga ka geuratakan
Lhe limong hai bang lagot meuhambo
Nyoe keuh lagu yang teungku banta karang
Nyoe judul hai bang meutajoe-tajoe
Cuma di ulon terimong pesan
Peu meu'ah rijang meunyoe meulaboe
Post a Comment for "Meutajoe Tajoe | Lirik Lagu Salsabil Aceh"