Lirik Lagu Donya Ka Akhe | Imum Jhon

Ta eu dali adat

Chit bit toe that donya akhe

Maksiet meu bagoe that

Jeup-jeup tempat kabeh lahe

  Aneuk jitem poh yah

  Jitem poh ma buet that ganje

  Jinoe dum di Aceh

  But langka nyoe ka terjadi

Aqidah tan lam badan

Peurgaulan ngoen jahe

Meutamah lom narkoba

Peuhanco generasi

    Na yang peugah droe Allah

    Di Aceh nyoe ka lahe

    Peugah droe nabi Isa

    Di Aceh ka terjadi

Menyoe keu ulama

Chit ji teujeut peuyahudi

Nyoe pengikut dajeu

Haleu darah ta seumate

   Nyoe keun haba keu gura

   Haba nyoe ka terjadi

   Nyoe ban ka di Aceh

   Syit ta preh-preh bala Rabbi

Beuneujaga aneuk nyoe

Wahe poma dengoen ayah

Beu neu peuturi Allah

Neu pasoe iman lam dada

  Bek neukarat sikula

   Sampe han di turi dayah

   Bek that ne peu bebah 

   Aneuk pergaulan neujaga 

Beu teumakot keu Allah

Azeub that uroe teuma

Bek gara-gara aneuk

Meu sireuk lam nuraka

   Peu lom hp-hp meumemori rata sagoe

   Nyan tukang peuhanco

  Tuha muda bak jameun nyoe

Peu lom ngeun Facebook

Han ji teupeu roeneuh na lako

Asai meugairah tengku chit geutampoe

    Kon hanjeut ta meugaol

    Tapi beu tajaga droe

    Lage kheun islam

    Bek kheun syethan peu turoet droe

Kaseb dalam maksiet

Bek le ta tiyeub buet donya nyoe

Jak mita akhirat

Keu pangkai geutanyoe tapuwoe

   Tanyoe yang ka tuha

   Peu meucewek tan le gigoe

   Leupah rayeuk dosa

   Peubuet jahe kana lakoe

Meuna cit tanyoe agam

Bek peumuda-muda droe

Aneuk kana lapan bek kleb mata 

Ngeun kak putroe

    Ta eu dali adat

    Chit bit toe that donya akhe

    Nyang jeut keu alamat

    Mandum-mandum kabeh lahe

Loen peugeut syair nyoe

Keun kheun keu droneuh boh hate

Bek le tahei bala

Tahei gempa sabe sabe

   Jaga droe wahe taulan

   Jaga islam boh hate

   Pekeung persiapan

   Ta samboet prang Al Mahdi Al Mahdi

Share :