Lirik Lagu Riwang | Husni Al Muna | Qasidah Aceh
Hai ujeun ta siram badan yang awoh
E tuboh ta peutroh sayang lam jiwa
Hai bulein ta peutrang jalan yang jioh
E suloh gata lhoh seupot lam bangsa
Riwang hai tiwah bagah bek taweh
Aneuk baro ceh hajat soe uroeh
Riwang beubagah e marwah aceh
Lakap nyang leubeh bek jiplueng jeu oh
Qanun beu jiwoe ban putroe phang
Reusam meu ulang bak laksamana
Meuriwang adat po teumeureuhoem
Meugisa hukom syiah kuala
Woe peutuah syuhada nyang ka reule
Riwang hate nyang sayang keu agama
Gisa garang nibak ta lawan kafe
Sampe mate Islam hana meutuka
Seuramoe Mekah nyan ka geularang
Jinoe peu riwang ban lage nyang ka
Kasep bak kafe ta tueng peudoman
Jinoe ta riwang bak kheun 'ulama
Riwang hai syahadah kalimat tasbeh
Riwang rasa mameh lam tuboh beutroh
Riwang hai ie wajah ramah ngeun rumeh
Riwang rasa beungeh hate keu musoh
Post a Comment for "Lirik Lagu Riwang | Husni Al Muna | Qasidah Aceh"